Фабриката за добиточна храна на ЗК Пелагонија со својата напредна технологија и стручен тим на вработени за производство на добиточна храна, постојано припрема најквалитетна сточна храна специфично подготвена за конкретна категорија животни и прилагодена за секоја фаза на раст и развој на нашето стадо говеда и овци, информира ЗК Пелагонија.
Фабриката ги снабдува со храна сите наши фарми и заедно со стручните лица од сточарството-нутриционисти и доктори ветеринари задолжени за исхрана на животните, континуирано го подобруваат квалитетот на храната која содржи оптимален сооднос на хранливи материи, витамини и минерални компоненти, со цел да се постигнуваат врвни резултати на фармите и одржува добра здравствена состојба на животни.
Самиот процес на производство на добиточна храна е целосно автоматизиран, со што дополнително ни овозможува да имаме апсолутна контрола врз секој процес, да ги елиминираме сите грешки и да развиеме производ со гарантиран квалитет.
ЗК Пелагонија користи високо квалитетни премикси за производство на храната за своето стадо.
Нашата програма за хранење на говеда се заснова на комбинирање на докажани производи направени од висококвалитетни суровини прилагодени за секоја група на стадо говеда.
Со нашиот партнер Agrofeed Kft. Од Унгарија кој е водечки производител на премикси на европскиот пазар повеќе од 10 години, континуирано ја унапредуваме и прилагодуваме исхраната на говедата прецизно и поединечно за секоја група на говеда следејќи ги најновите технологии.
Исхраната на говедата е клучен елемент за здраво стадо и ефикасност на фармата.
Фејсбук статус на ЗК Пелагонија.
