Лагуна во јужниот дел на регионот Патагонија во Аргентина станала розева поради големо загадување. Локалните активисти и експерти сметаат дека тоа се должи на хемикалиите кои се користат за чување на школките за извоз, според првичниот извештај на агенцијата France-Presse.
Освен што е розево, како што пренесува Interestingengineering, езерото мириса многу лошо.
Ова се случувало и порано
Бојата на водата доаѓа од содиум сулфитот, антибактериски производ кој го користат фабриките за риби што испуштаат отпад кој ги контаминира водите на блиската реката Чубу, која се влева во лагуната Корфо, велат активистите.
Локалното население веќе долго време се жали на лошиот мирис и на други проблеми со екосистемот поврзани со лагуната и со реката.
„Оние кои треба да водат контрола се тие што го дозволуваат труењето на луѓето“ вели Пабло Лада, активист за заштита на животната средина.
Лагуната станала розева минатата недела и ја задржала таквата боја до неделата. Промената на бојата според експертите е поради присуството на содиум сулфитот во отпадот од рибите, кој треба да се третира пред да се испушти во вода, како што наложуваат локалните закони.
Лагуната не се користи за рекреација и е место каде што се испуштаат отпадните води од индустрискиот парк во Трелу.
Последните неколку недели жителите на градот Росон, кој е блиску до Трелу, ги блокираат патиштата по кои камиони го превезуваат процесираниот отпад. Како што велат, десетици камиони со отпад поминуваат дневно по нивните улици.
„Бојата не предизвикува штета и ќе исчезне за неколку дена“, вели Хуан Миклауд, шеф на контролата на животната средина на провинцијата Чубат.
Извор: interestingengineering.com
