Мртво Море, солено езеро сместено помеѓу Јордан и Израел, познато е по многу необични особини. Станува збор за езеро чија соленост изнесува дури и 33 отсто, во неговата вода скоро и да не можете да потонете, а има и многу лековити дејства. Она што му дава посебен шарм на ова природно богатство се таканаречените солени острови.
На еден од овие острови од бела сол, пред неколку години се издигнало дрво.
Тоа е навистина необично, бидејќи Мртвото Море е познато по тоа што во него животот е многу сиромашен, и преживуваат само некои видови микроорганизми.
Многумина се прашуваа дали станува збор за случајност, игра на природата или божје дело. Сепак, на крај се покажало дека т.н „дрво на животот“ е уметнички проект на локален автор, кој дрвото го поставил на островот и од самиот почеток водел сметка за него, за секој ден да добива неопходни услови за живот и да може да расте.
Дрвото во меѓувреме стана вистинска туристичка атракција па секој кој ќе се упати на Мртвото Море, не пропушта можност да се фотографира покрај него.
