Револуцијата во пчеларството со кошници со цилиндричен облик ја носат двајца млади германски претприемачи, Филип Потаст и Фабијан Вишман, кои го основаа старт-апот Hiive во Берлин во 2021 година.
Уникатните пчелни кошници со својот дизајн потсетуваат на шупливо стебло и симулираат слична микроклима. Развојот на финалниот производ траел три години. Специјална платнена водоотпорна покривка и изолација на база на глина и дрво обезбедуваат до 3,4 пати поефикасна заштита.
Пчелната заедница е заштитена од ефектите на ветерот, дождот, снегот и сончевата светлина.
Надзор над секоја кошница можете да имате 24 часа. Во внатрешноста има сензори кои ви овозможуваат да ја следите состојбата преку мобилен телефон. Прегледот и замената лесно се вршат благодарение на модуларниот дизајн и подвижните делови. Поправката е исклучително лесна.
Целокупниот систем има за цел да им обезбеди на пчелите што е можно поприродни услови со што е можно помала човечка интервенција. За изработка се користи само два отсто дрво во споредба со класичната форма. Цената на кошницата е 490 евра.
