“Био-отпад како суровина за производство на електрична енергија” беше тема на денешниот работен состанок заедно со директорот на Агенцијата за храна и ветеринарство и претставници од Асоцијацијата на биогасни централи и производители на биомаса во рамки на Стопанската комора на Македонија, информира Верче Мицевска – Национален координатор за безбедност на храна, ветеринарна и фитосанитарна политика.
Целта е да им се помогне на компаниите од земјоделско – прехрамбениот сектор во ефикасно менаџирање на органскиот отпад.
Со правилно мапирање на поголемите компании од агросекторот и согледување каков тип на органски отпад генерираат и кои количини, можат да се предложат соодветни законски измени со цел изнаоѓање решенија за ефикасно справување со органскиот отпад во државата.
Република Македонија согласно ЕУ легислативата е обврзана да спроведе активности за решавање на проблемот со органскиот отпад и намалување на емисијата на CO2.
Владата останува стратешки партнер со сите релевантни фактори со цел зачувување, заштита и унапредување на квалитетот на животната средина и квалитетот на животот на граѓаните.
Фејсбук статус на Верче Мицевска – Национален координатор за безбедност на храна, ветеринарна и фитосанитарна политика
