Владата ја констатираше оставката на Иљми Селами од должноста член на Одборот на директори на АД Водостопанство на Република Северна Македонија, во државна сопственост, а за член на Одборот на директори на АД Водостопанство на Република Северна Македонија да го избере Васко Стефанов (дипломиран инженер по индустриска логистика и магистрант на Факултетот за Природни и Технички Науки).
Владата на вечерашната седница го именуваше досегашниот Заменик директор на Агенцијата за финансиска поддршка на земјоделството и руралниот развој, Абдул Селам Селами, за вршител на должност заменик на директорот на Управата за јавни приходи.
На негово место, вршител на должност заменик на директорот на Агенција за финансиска поддршка во земјоделството и руралниот развој доаѓа Ремзи Абдулахи, дипломиран правник .
Владата донесе одлука да му предложи на УО на Јавното претпријатие за стопанисување со пасишта да го разреши актуелниот директор Љујзим Фејзулаи заради неисполнети обврски од програмата за работа и заради слаби резултати и на негово место да го именува Нефрус Челику.
