Јапонската амбасадорка во земјава Кеико Ханеда ја посети Општина Валандово каде пред неколку месеци како амбасада донираа ровокопач за потребите на тамошното комунално претпријатие во вредност од 60 илјади евра.
Машината веќе ја користи Комунален сервис од каде тврдат дека ваквата машина била повеќе од неопходна со оглед на амртизираниот возен парк.
Градоначалникот на Валандово се заблагодари за донацијата до јапонскиот народ и подвлече дека како општина и во иднина ќе инвестираат во подобрување на механизацијата која е неопходна за испорака на квалитетни услуги до граѓаните.
Амбасадорката Ханеда најави дека соработката со општина Валандово ќе продолжи и во иднина на сите полиња, но посебен акцент ќе се даде на бизнис соработката бидејки валандовскиот регион нуди огромни потенцијали.
Јапонската амбасада изминатава година донираше средства за реализација на повеќе инфраструктурни проекти во земјаваа во претходниот период со помош на Јапонија извршена е набавка на санитетско возило Тојота, ЕКГ апарат, ЕХО апарат, РТГ апарат и друг вид на медицинска опрема за потребите на “Здравствен дом” – Валандово.
Извор: 24инфо
