Агенцијата за финансиска поддршка во земјоделството и руралниот развој (АФПЗРР) на 05.11.2024 год. официјално го објави новиот јавен повик бр. 02/2024 за Мерка 7 „Диверзификација на фарми и развој на бизниси“ од ИПАРД III програмата.
Крајниот рок за поднесување на проектни апликации е 20.12.2024 година.
ИЗНОС НА ФИНАНСИСКА ПОДДРШКА
Вкупниот буџет за овој јавен повик изнесува 14 милиони евра, а корисниците може да побараат неповратен грант во максимален износ до 600.000 евра по поединечен проект кој ќе покрие 60-75% од прифатливите трошоци, во зависност од видот на апликант и приоритетниот сектор.
Во продолжение прочитајте повеќе за приоритетниот сектор „Рурален туризам“.
КОЈ МОЖЕ ДА АПЛИЦИРА
На јавниот повик може да аплицираат физички и правни лица кои ги исполнуваат критериумите за подобност.
- Физички лица
- Со или без регистрирана дејност
- Правни лица
- Микро и мали претпријатија
- Најмногу 50 вработени
- Годишен приход најмногу до 10 милиони евра
- Задруги
- Здружени правни лица
ВИДОВИ НА ПРИФАТЛИВИ ИНВЕСТИЦИИ
Со ИПАРД можете да инвестирате во целосно опремување на објекти за рурален туризам, изградба на нови објекти и/или реконструкција, адаптација, доградба и надградба на постојни објекти.
Прифатливи се инвестициите во:
- Туристичко сместување во внатрешен простор (соби, апартмани, ноќевање и појадок, само-угостителски колиби)
- Туристичко сместување на отворено (кампови, бунгалови, камп-приколки)
- Угостителска дејност (готвење и служење на храна)
- Комбинирани услуги – сместување и угостителски услуги
- Обезбедување на простории за дегустација, продажба и директен маркетинг на производите
- Рурални музеи (згради и изложбени предмети за разгледување на историски, природни, традиционални, образовни, земјоделски и други добра од руралните средини, како и ботанички и зоолошки градини)
- Обезбедување на простории за семинари и обуки, едукативни фарми
- Обезбедување на рекреативни активности за туристите
НАПОМЕНА: За инвестиции во изградба на нови објекти, апликантот е потребно да приложи правосилно одобрение за градба.
За инвестиции кои опфаќаат градежни работи на постојни објекти, апликантот е потребно да приложи соодветно одобрение или потврда дека за градежните работи не е потребно посебно одобрение.
ПРИФАТЛИВИ ТРОШОЦИ
Во рамки на предлог-проектите може да се аплицира за неповратни 60% од вкупните трошоци за:
- Набавка на нова опрема за сместувачки капацитети (мебел, апарати и друга опрема за санитарен дел, административен дел, заеднички простории итн.)
- Набавка на нова опрема за угостителство и кујнска опрема, вклучувајќи кујнски и угостителски прибор
- Опремување на рекреативни и спортски објекти (отворени и затворени)
- Набавка на опрема и машини за уредување на дворови, декорација на градини, патеки, фонтани, надворешно осветлување, надворешни скари, затворени градини, летниковци, видиковци, маси и седишта за пикник итн.
- Набавка и поставување на фотоволтаици за сопствени потреби
- Компјутерска опрема и софтвер
Покрај опрема и машини, може да се инвестира и во изградба на нови или реконструкција/реновирање на постоечки објекти кои ќе се користат како сместувачки капацитети или угостителски објекти, и тоа:
- Набавка на градежни материјали и елементи за издрадба на нови објекти или реконструкција и адаптација на постоечки објекти (згради и инфраструктура за целосно функционален капацитет)
- Обезбедување на пристап, уредување и оградување
- Сите потребни работни операции и услуги (уривање, подготовка на терен, градежни работи, реконструкција, занаетчиски активности, транспорт и монтажа, инсталациски работи, подготовка на земјиште и пристапни патишта, садење и расадување)
ПРИФАТЛИВИ ЛОКАЦИИ
Основен предуслов за аплицирање е локацијата на која е планирано да се реализира инвестицијата да се наоѓа во рурална средина, односно населено место со помалку од 30.000 жители. Живеалиштето на физичкото лице или седиштето на правното лице кое аплицира може да биде и во друго населено место, важна е локацијата на инвестицијата.
Прифатливи локации се селата во Македонија, но и градовите: Берово, Богданци, Валандово, Виница, Гевгелија, Дебар, Делчево, Демир Капија, Демир Хисар, Кавадарци, Кичево, Кочани, Кратово, Крива Паланка, Крушево, Македонска Каменица, Македонски Брод, Неготино, Пехчево, Пробиштип, Радовиш, Ресен, Свети Николе и Струга.
Погледнете ја целосната официјална листа на сите 1774 прифатливи локации на овој линк.
За повеќе информации и подготовка на проектни апликации јавете се на телефонскиот број
📞 071 285 385
или испратете e-mail на [email protected]
