Новата рута за транспорт на украински земјоделски производи, по повлекувањето на Москва од Црноморската иницијатива, би можела да минува низ територијалните води на Бугарија и Романија, изјави украинскиот амбасадор во Турција Василиј Боднар.
Договорот за жито заврши во понеделникот кога Руската Федерација ги извести Турција, Украина и ОН за својот приговор на неговото продолжување. Рускиот претседател Владимир Путин претходно истакна дека условите од договорот со Русија не се почитувани и покрај напорите на ОН, бидејќи западните земји нема да ги исполнат своите ветувања.
-Ставот на Турција во оваа ситуација, односно нејзината подготвеност понатаму да преговара со Руската Федерација е дел од политиката на земјата за да ги задоволи своите интереси. Турција се обидува да ги продолжи услугите за посредување, бидејќи како посредник на „договорот за жито“ се обидуваше да најде „златна средина“ и да ги минимизира ризиците – изјави Боднар на новинарите, пренесува Интерфакс-Украина.
"Ukraine is considering a new route for transporting grain through the territorial waters of Bulgaria and Romania as part of a trilateral grain initiative with the UN and Turkey", – the Ukrainian ambassador to Ankara said.
— MAKS 23 👀🇺🇦 (@Maks_NAFO_FELLA) July 19, 2023Според него, Русија можеби нема да прибегне кон извршување на сите закани за кои зборуваше, но дека тие остануваат и дека тоа влијае на работата на бродските компании, осигурувањето итн.
-Да бидеме искрени. Русија по повлекувањето од договорот изјави дека не гарантира безбедност. А тоа значи дека ќе ги гранатира пристаништата, инфраструктурата и, можеби, бродовите. Тоа е ризик – изјави украинскиот амбасадор.
Боднар потсети дека Украина формирала фонд за осигурување на овие ризици, но дека има одредени услови.
-Имаме можност да привлечеме бродови и компании. Од наша гледна точка, тоа може да се реализира без користење на оваа веќе договорена траса, туку преку територијалните води на Романија и Бугарија. Тоа е и можна опција за минимизирање на ризикот – објасни украинскиот министер.
Истовремено, Боднар ја истакна потребата од одговорност на меѓународната заедница, со цел од една страна да и помогне на Украина да го спроведе таквото сценарио, а од друга страна да изврши притисок врз Русија да ги спречи можните напади.
