Местото Витез од Босна и Херцеговина од неодамна доби уште една модерна фарма за молзни крави која се простира на околу 25 хектари. Фармата има 84 молзни крави, а млекото го продава на млекарница во Ливонија.
Управител на фармата е докторот по ветерина, Рафаел Џоја, кој рече дека кравите лежат на скапи душеци и имаат храна во изобилство за да дадат што повеќе млеко.
„Секогаш мора да имаат храна и дење и ноќе. Има миксер кој меша, внатре има сено, силажа и концентрат и тоа секогаш мора да биде пред нив. Доаѓаат таму за да јадат па потоа одат на лежиштата, душеците, лежат и произведуваат млеко. Кравите најмногу млеко произведуваат кога лежат.“, објасни Џоја додавајќи дека е важно лежиштата да бидат удобни за да не да ги оштетат нозете. Лежиште за една крава, како што рече, чини повеќе од 200 марки (околу 100 евра).
Измолзувалиштето е исто така меѓу најсовремените во кантонот Централна Босна, а 80 крави измолзуваат двајца за нешто повеќе од 60 минути. Како што вели Џоја, во новата хала никогаш не им е жешко, а тоа била и една од причините поради која во текот на летото биле преместени таму, бидејќи топлотниот стрес е најлош за нив. Едвај ги поднесуваат високите температури, за разлика од ниските, кога ни температури и од минус 15 степени не им пречат, пренесува Агроклуб.
