Променливото и врнежливо време во текот на изминатата седмица донесе количества на врнежи кои најзастапени беа во јужните и југо-западните делови од Републиката каде наврнаа од 35 до 75 л/м2 со кои се створија некакви услови за отпочнување на предсеидбените работи околу есенската сеидба која во овој период е во сериозен застој.
Ваквите врнежи со исклучок на Гевгелија каде вкупните суми се околу 85 л/м2 не го решааваат целосно проблемот со влагата во почвата, но сепак се добредојдени барем за површинскиот слој каде и состојбата беше најкритична.
Оптималните рокови за сеидба на пченица изминаа, но сепак дневните температури на воздухот кои се надпросечни за овој период од годината даваат надеж дека може да се изврши успешно поникнување и навлегување во услови на презимување во такви фази на развој.
Заради тоа се препорачува и зголемена норма на семе при сеидбата, како гаранција за евентуално губење на дел од посевите или непоникнување.
И во наредната седмица променливото време се очекува уште повеќе да ја подобри ваквата состојба, со нови врнежи кои би ги надополниле резервите на вода во почвата.
Агро Метео
