Според информации од тутунопроизводителите, Тутунскиот комбинат – Прилеп од денеска ја покачи откупната цена од 375 денари на 400 денари за килограм.
-Да точна е информацијата и документот кој го објавив на ФБ. Денеска во Тутунски комбинат Прилеп почнаа со кревање на цената на 400 денари и доплата од 25 денари на тие што дале тутун по 375 денари за килограм – изјави за Агротим, тутунопроизводителот Арнел Фазлиќ од село Десово – Прилепско.
Фазлиќ и другите земјоделци кои ги контактиравме очекуваат дека сите откупни претпријатија ќе го следат ова покачување на 400 денари за килограм.
Од Државниот Инспекторат на Земјоделство вчера информираа дека од почетокот на откупот, до сега се откупени вкупно 6.360.485,24кг 1 класа тутун, 13.485,59кг втора класа и 556,81кг трета класа тутун. Вкупната бројка е 6.374.550,44кг, додека просечната откупна цена изнесува 376,00 денари. Од овие количини исплатени се вкупно 57% од откупените количини кон тутунарите.
Инспекторите на ДИЗ остануваат и понатаму на терен каде будно ќе го следат и контролираат откупот
