Турција распредели царински квоти за увоз на семки од сончоглед и сончогледово масло за периодот од 1 јануари до 30 април 2025 година.
Ова го објави брокерот на Атриа Брокерс и советник за Агри ASAP Agri, Булент Озсој, цитиран од agroportal.ua.
„Квотите дозволуваат увоз на 1 милион тони семки од сончоглед или еквивалент на 400.000 тони сончогледово масло. Увозот на суров сончоглед во рамките на квотата ќе се оданочува со 0%, а увозот на сончогледово масло ќе се оданочува со 20%“, објасни Озсој. Надвор од наведените квоти, давачките ќе се задржат на 27% за сончоглед и 36% за нерафинирано масло.
„Оваа политика на турската влада е насочена кон балансирање на домашните залихи, притоа поддржувајќи ги локалните производители во одреден период“, додаде експертот. Промената е донесена со одлука на турскиот претседател, која е објавена во турскиот државен весник.
Турската држава вешто се занимава со воведување на увозни и извозни квоти, како и со промена на царините во зависност од конкретната економска состојба.
Есента минатата година Анкара дозволи увоз на 1 мил тони пченка со царина од 5%. Увозната квота беше обезбедена за да се балансира понудата и побарувачката за пченка, бидејќи домашното производство беше недоволно да ја задоволи домашната потрошувачка, соопшти тогаш Министерството за трговија.
Царината од 130 отсто се наметнува веднаш штом увозот на пченка надмине 1 милион тони.
