Постигнавме историски највисока цена на откупен тутун по килограм од 400 денари, информира министерот за земјоделство, Цветан Трипуновски.
Заедно со Премиерот Hristijan Mickoski изминатиов период посветено работевме на разрешување на проблемите со откупот на тутунот при што остваривме повеќе средби со тутунарите и откупувачите на тутун.
Од денес откупувачите на тутун ја дополнија откупната цена од 375 на 400 денари за откупен тутун прва класа, со што тутунарите ќе ја добијат вкупната сума кои ја бараа. Дополнително Владата ќе ја зголеми и субвенцијата од 80 на 100 денари за килограм, што значи дека заедно со откупната цена и субвенциите секој тутунар ќе добие по 500 денари за килограм тутун.
Пресметките говорат дека само оваа година над 140 милиони евра ќе завршат во рацете на тутунарите.
На овој начин директно помагаме на земјоделците кои се р’бетот на нашата земја и кои со мака и труд заработуваат за пристоен живот.
Со ова само уште еднаш покажуваме дека Премиерот Христијан Мицкоски, јас, но и цела Влада на РМ е на страната на земјоделците и тие конечно имаат вистински партнер кој се грижи за нив.
Продолжуваме 100% посветени.
