Општина Велес утре рано изутрина ќе го реализира третото авионско третирање против комарци, со кое ќе биде опфатено целото градско и приградско подрачје по целото течение на реката Вардар на овој потег, како и рекреативниот центар езеро „Младост“ со околината.
Границата, на третирањето е: „Езеро Младост“, село Отовица, месност Јарбош, по течението на Вардар од север од Башино Село низ Велес, се’ до вливот на реката Бабуна и село Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и село Горно Оризари.
Од Општина Велес ги известуваат пчеларите навремено да ги превземат потребните мерки за заштита на пчелите.
Воедно појаснуваат дека доколку временските услови не дозволат извршување на авионско прскање, тоа ќе се изврши првиот нареден ден, кога ќе бидат поволни временските услови.
МИА
