Тие формираа кризен тим, ја ограничуваат употребата на вода, препорачуваат одгледување растенија отпорни на суша додека земјоделството бележи огромни загуби.
Зимата со многу малку врнежи и третиот топлотен бран резултираа со историска суша во Франција, пренесува Agrarheute. Населението и сите стопански гранки страдаат од екстремни услови, а последиците допрва ќе се сумираат.
„Ова е најлошата суша досега забележана во нашата земја“, изјави премиерката Елизабет Борн. Таа повика на зачувување на водата и формираше кризен тим.
Некои области личат на пустина
На социјалните мрежи се појавуваат фотографии од сончогледи кои не стигнале ни да созреат, останале мали, изгорени. Во еден твит тие прашуваат што би рекол познатиот француски сликар Винсент ван Гог, мислејќи на неговата позната слика Сончогледи.
What would #VanGogh think? Scorched Sunflowers, climate change left fields of these signature summer flowers stressed. A few lone survivors on the edge where there was a hint of biodiversity. #Loire #France #climatechaos #Summer2022 pic.twitter.com/fPhLpyG42F
— Suzanne Dhaliwal (@zoozanne) August 8, 2022Екстремниот недостаток на вода и влага во почвата зафати големи делови од земјата, со само неколку исклучоци. Врнежите во јули биле помали за 84 отсто. Нивоата на подземните води се многу ниски. Во повеќе од сто општини луѓето се снабдуваат со вода за пиење од цистерни. Од 96 области, во над 60 е прогласена криза.
Топлотниот бран и сушата имаа катастрофални последици врз земјоделското производство. Големите површини личат на пустина. Растенијата се исушени, почвата е испукана, прав, речните текови се исушени или имаат многу ниско ниво на вода.
Пожарите ги голтаат шумите
Покрај тоа, пожарите во оваа земја уништија 47.000 хектари шума. Шумскиот пожар во Ландирас, на југот на Франција, минатата недела уништи повеќе од 6.000 хектари и 16 куќи во една ноќ. Евакуирани се 6.000 луѓе. Исто така, пожари се регистрирани и на запад, според објава на France24.
🔥 LE RETOUR EN ENFER : Le feu de forêt de #Landiras, en #Gironde, a repris à une vitesse phénoménale, détruisant plus de 6000 hectares en une nuit. 6000 personnes sont évacuées, 16 maisons ont été détruites et l'autoroute A63 est coupée. "C'est l'apocalypse", dit un pompier. pic.twitter.com/VZwXtnJOpM
— Infos Françaises (@InfosFrancaises) August 10, 2022Аграрот е сектор кој не може да опстане без вода, многу области остануваат неплодни. Експертите повикуваат на промена и препорачуваат да се одгледуваат растенија кои се поотпорни на суша.
Годишната потрошувачка на вода за земјоделството во оваа земја е 33,5 милијарди м³, а 80 отсто од тоа доаѓа од површинските текови. Најмногу вода се троши во текот на трите летни месеци. Во овој период до 80 отсто од водата се користи за земјоделство.
