По повод празникот Младенци/Св.Четериесет маченици, кој е дел од културното и духовното наследство на нашиот народ и кој е поврзан со многу обичаи, од кои дел се под заштита на УНЕСКО, библиотека „Страшо Пинџур“ го испочитува древниот обичај во Тиквешијата: „На овој ден се подготвуваат 40 ПОСНИ ПИТУЛИЦИ со маџун….“
„Нашите прабаби знаеле со наједноставните состојки да направат уметност. Овој празник секогаш се паѓа во строг пост. За младите домаќинки: 1 чаша брашно, 1 чаша вода, пола лажичка сол, пола лажичка пециво, пола лажичка оцет. Смесата се промешува и се печат 40 мали питулици кои се потопуваат со маџун, а може и со мед.“, објави библиотеката „Страшо Пинџур на својот фејсбук-профил.
