На фестивалот за џиновски лубеници и тикви што се одржа годинава во Килог, Нов Јужен Велс, Австралија, победата ја однесе тиква тешка 867 кг и постави нов рекорд на јужната хемисфера, пишува abc.
“Горд сум на победникот. Среќен сум што тој учествуваше на натпреварот“, рече организаторот на фестивалот Џон Лидбетер. Тој исто така посочи дека имало помалку пријави на фестивалот поради неповолните временски услови за време на сезоната за одгледување. “Имавме топло и суво време, а подоцна стана врнежливо. Тоа воопшто не одговара на овој вид зеленчук“, напоменал Лидбетер.
Овогодинешниот победник Дејл Оливер го постави најдобриот резултат во Австралија во 2015 година со одгледување тиква тешка дури 743 килограми, а сега си постави нова рамка. “При нивното одгледување има многу што може да се направи и тоа со помош на режење, ѓубрење и анализа на почвата. Знаете, има многу наука во тоа“, изјавил победникот.
Минатата година, сличен ваков натпревар се одржа во Калифорнија, а победи тиквата на Тревис Џинџер, тешка 1.066 килограми. Тој дури и му даде име, по популарниот документарец на Нетфликс, Тајгер Кинг, и на својот Фејсбук профил напиша дека неговата тиква е со големина на носорог и е најтешка за 2020 година во Северна Америка.
Актуелниот светски рекорд сè уште го држи тиква со неверојатни 1.190,49 килограми, порасната од Матијас Вилемијанс во Белгија во 2016 година. Својата џиновска тиква тој ја претставил на Европското првенство одржано во Лудвигсбург, Германија.
Извор: Агроклуб
