Египет планира да генерира приходи од туризот меѓу шест и седум милијарди долари оваа година, изјави заменик-министерот за туризам на земјата, Гада Шалаби.
Приходите од туризмот, кој е главен извор на девизи за Египет, минатата година паднал за 70%, како резултат на пандемијата ковид-19, пишува Ројтерс. Како што понатаму се наведува, оваа економска гранка претставува дури 15% од БДП на Египет.
Бројот на туристички посети на Египет минатата година се намали на 3,5 милиони, во споредба со неверојатни 13,1 милиони во 2019 година. Во 2021 година, тие очекуваат бројот на туристи да достигне 60% од претходната година, истакна Шалаби.
Во меѓувреме, Египќаните очекуваат да привлечат повеќе од милион руски туристи, бидејќи наскоро треба да се воспостават директни авионски летови. Директните летови од Русија до популарните египетски одморалишта беа прекинати во 2015 година, откако 224 лица загинаа во падот на рускиот патнички авион над Синај.
