Во Битола, во дворот на компанија Синпекс, се одржа манифестацијата „Најуспешни во земјоделството“ во организација на Земјоделското здружение „Современо земјоделство“.
На едно место беа собрани искусни земјоделци, претставници на институции, компании чија дејност е поврзана со земјоделското производство како и вредни жени од руралните подрачја кои ги презентираа своите кулинарски способности.
На настанот беа присутни и претставници од компанијата Техноинвест“ од Скопје кои ги претставија производите на словенечки „Млинострој“ пред земјоделците.
Техноинвест е основан во 1991 година, и за овие, повеќе од 30 години, израсна во лидер во сегментот на транспортни ланци во Македонија. Покрај дистрибуција на ланци, Техноинвест дизајнира и изработува секаков вид на транспортни системи, во потполност со специфичните барања од клиентите.
Со оглед на усмереноста кон тешката индустрија, активностите на компанијата се проширени и со решенија за кревање товар, индустриска вентилација и отпрашување, обработка на жито и грануларни производи, ланци за заштита и подобрување на тракција, warehousing..
Заедно со Млинострој (Словенија) обезбедуваат решенија за индустриите за обработка на сипкаст/грануларен материјал, како:
- транспорт и складирање
- дозирање, мерење
- сушење, мелење, мешање, сепарација на материјали
за силоси за жито, производство на сточна храна, прехрана, хемиска индустрија, градежништво и дрвна индустрија, со фокус на линии за производство на дрвени пелети.
Интересот на земјоделците беше во насока на можноста оваа технологија да ја набават преку ИПАРД и на тој начин да добијат 60% грант за нивната инвестиција.
Повикот за Мерка 3 од ИПАРД се очекува да биде кога ќе заврши актуелниот повик за Мерка 1 и Мерка 7 и добро е земјоделските производители да имаат повеќе информации за производите и технологијата на реномираната словенечка компанија „Млинострој“.
Во оваа прилика ја најавуваме нашата идна соработка со компанијата „Техноинвест“ со Агротим консалтинг и во следниот период преку Агротим.мк ќе ја презентираме понудата на „Млинострој“ како и условите под кои може да се аплицира за нејзина набавка.
