Љубителите на тартуфи велат дека е потребна итна акција за заштита на нивното природно живеалиште. „Ловот“ на тартуфи во шумите на северозападна Хрватска е во опасност поради климатските промени и уништувањето на шумите.
Цената на белите тартуфи годинава се искачи на 2.500 евра за килограм. Зголемувањето на температурите и помалкуте врнежи предизвикани од климатските промени во комбинација со намалување на нивото на водата и губењето на живеалиштата, може да го загрозат природниот инкубатор кој е доста потребен за производство на оваа луксузна прехранбена состојка.
„Потешко е да се најдат тартуфи отколку да се продаваат“, се пожалил на француската агенција AFP Дарко Мужица, претседател на здружението Истарски Тарфуфар, група која води кампања за заштита на белите тартуфи на полуостровот.
Покрај климатските промени и намалените врнежи, Мужица вели дека лошото управување со шумите ја загрозило и идната берба на тартуфи, а државните власти и даваат предност на дрвната индустрија. Слично предупредување е издадено и во студијата од 2014 година.
Во делови од светот, продуктивноста на природните живеалишта на тартуфи опаѓа, што често се поврзува со климатските промени, но и со начините на експлоатација на почвата. Љубителите на тартуфи велат дека е потребна итна акција за заштита на нивното природно живеалиште.
„Од тоа ќе има корист целиот регион“, вели Иван Вукадиновиќ, еден од членовите на здружението на ловци на тартуфи.
Истра и понатаму е една од ретките области надвор од познатиот италијански регион Алба што може да произведе бели тартуфи со врвен квалитет благодарение на влажната клима и алкалната почва што на печурките за јадење им дава силна арома и оптимална густина.
Со надеж дека ќе ја заштити профитабилната трговија со тартуфи, локалното здружение на ловци на тартуфи започна кампања за „заштитена ознака на потекло“ на ЕУ.
Доколку биде одобрена, предлагачите велат дека сертификатот ќе помогне во подобро управување со шумите во регионот со запирање на нивното „ирационално уништување“, да се гарантира автентичноста на тартуфите и да помогне да се подигне свеста за напорите за нивно зачувување.
Извор: rtl.hr
