Виолета Илиевска, заменик директор на Јавното претпријатие за стопанисување со пасишта информираше дека сточарите почнаа да добиваат монтажни куќарки со фотоволтаични панели за сместување на овчарите.
„Сточарите почнаа од денес да добиваат монтажни куќарки со фотоволтаични панели за сместување на овчарите. Сточарството е една од најстратешките и најпрофитабилните земјоделски гранки во светот. Јавното претпријатие за стопанисување со пасиштата секогаш инвестира во различни проекти за да им се подобрат и создадат најповолни услови за сите корисници на пасиштата од мерката 124 – Инвестиции за инфраструктура за развој на земјоделството, шумарство и водостопанство за Електрификација на пасишта во државна сопственост и изградба и реконструкција на придружни објекти на пасишта во државна сопственост од Програмата за финасиска подршка на руралниот развој.
Денес фарма Гогови во Богданци ја доби ветената помош односно куќарка за овчари.
Ние како Јавно претпријатие за пасишта продолжуваме и понатаму да ги остваруваме ветените проекти на сточарите со кои им ги подобруваме условите во сточарството.“, напиша Илиевска во објавата на Фејсбук.
