Ексградоначалникот на Карпош од СДСМ, Стефан Богоев, е назначен за нов директор на Царинска управа.
Богоев доаѓа на местото на Славица Кутиров, која најпрво беше в.д. директорка поставена 2021 година, па реизбрана во февруари 2022 година. Таа на Фејсбук му честиташе на Богоев.
„На денешната седница Владата на Република Северна Македонија ја прифати мојата оставка од функцијата директор на Царинската управа, поднесена од лични причини, а со цел понатамошен развој на мојата професионална кариера на меѓународен план.
Сакам да се заблагодарам на Владата и на премиерот Димитар Ковачевски за безрезервната поддршка во изминатите две години, што придонесе Царинската управа да прерасне во една од водечките професионални и технолошки напредни институции во државата.
На новиот директор му го честитам назначувањето на функцијата и му посакувам успешна работа и уште подобри резултати“ – напиша Кутиров.
