Земјоделците имаат потреба од поголема информираност и едукација на тема ИПАРД и други мерки на Владата кои се наменети за нивна поддршка.
На средбата со земјоделските производители во Росоман разговаравме најмногу за Мерка 1 од ИПАРД програмата преку која може да се подигнат нови долгогодишни насади, да се набави механизација, системи за наводнување и друга технологија и за Мерка 7 во која спаѓа руралниот туризам.
Интерес имаше и за мерките како Млад земјоделец, Рурална жена, грантови за семејни винарии и друга поддршка преку програмата за Рурален развој.
Не изостанаа и стандардните разговори на тема пласман на праската, цена на грозјето и исплата на субвенциите. Овие прашања најдобро се решаваат кога ќе бидат во еден систем Владата, локална власт, земјоделци и сите други што можеме да помогнеме за поголем развој на земјоделското производство.
Се заедно една пријатна средба на која се иницираше натамошна соработка со Агротим за поголема искористеност на фондовите и поголема едукација на жителите од Општина Росоман.
Фејсбук статус на Ленче Николовска
