Цените на земјоделските производи и оние во рибарството во јули оваа година во однос на истиот месец 2020 се зголемени за 30,7 отсто, покажува најновиот извештај на Републичкиот забжвод за статистика. Рекордер во раст на цената, по статистика, е овошјето кое во однос на истиот месец минатата година е поскапо за 84,2 отсто.
Причина за вака високите цени на овошјето е намаленото производство во Европа и светот, додека Србија имаше пад на приносот поради изразената суша во еден период, објаснува професор Зоран Кесеровиќ, стручњак за овоштарството.
Овој тренд, додава, не е забележан кај сите овошни видови. Да речеме кај јагодата цената беше ниска, црешите во откупот беа и до 50 отсто поевтини. Како што истакнува, боровинките, малините и капините доживеаја ценовен скок, тука беше рекорден раст а поскапи се и праските поради промените на пазарот. Скокна и цената на крушите поради лошите временски услови во време на опрашување.
“Почна бербата на јаболките” гала” на големо се продаваат за околу 40 евроценти и тоа е добра цена. Но за златниот делишес, кој допрва доаѓа, се нуди од 20 до 22 евроценти, што е доста ниска цена бидејќи во Италија останаа доста од оваа сорта на јаболка од минатата сезона. Се очекува раст на производството од околу 10 отсто во ЕУ но и рекорден род на јаболката во Србија. Се плашам дека ќе има проблеми со пласманот и цената на ова овошје “, истакнува Кесеровиќ.
На прашањето до кога потрошувачите скапо ќе го плаќаат овошјето, тој одговара дека проблемот е во тоа што досега додека тоа стигне до нив” минува низ неколку раце” а сите очекуваат заработка”. Така реално имаме хиперпродукција на јаболка а тоа во продавниците не се гледа. Самите задруги би требало да имаат свои продажни места, да нашето овошје има предност во однос на увозното”, вели Кесеровиќ.
Александар Лепосавиќ од Институтот за овоштарство во Чачак вели дека временските услови го направиле своето и дека постои дефицит скоро на сите овошни видови. Кога станува збор за овошјето кое доаѓа од страна, причина е и огромниот раст на цените на транспорт поради пандемијата.
“Последните информации покажуваат дека јагодестото овошје го нема скоро никаде во светот. Сите потфрлија во производството”, истакнува Лепосавиќ.
Потсетува дека само малината во оваа сезона чинела скоро двојно повеќе отколку во 2020 додека капината со 40 или 50 динари, по килограм, сега во откупот достигна цена од 310 до 330 динари. Тоа меѓутоа, не може да се каже за аронијата која оваа година повторно е доста ефтина во откупот поради што производителите се откажуваат од производство, вели тој.
