Руколата е сè повеќе застапена во кујните, што не е чудно, ако се има предвид вкусот на листовите, како и богатството со витамини. Богата е со витамин Ц, витамини од Б комплекс, пектин, каротин, фосфор, железо, калциум, калиум, магнезиум, како и бакар.
Меѓутоа, ова не е единствената причина за зголемената популарност на ова растение. Руколата брзо пристигнува за берба (за околу 40 дена), а може да се сее од февруари до септември, во повеќе наврати. Важно е да се знае дека најголемиот непријател на ова растение е инсектот бувач.
Најдобар период за сеење рукола се првите 10 дена од септември. Нејзиното семе е многу мало, тежината на 1.000 семиња е само 15 грама. Обработувањето на почвата за рукола не се разликува од обработувањето на почвата кога се одгледува кој било друг зелен лиснат зеленчук.
Основната обработка се врши на длабочина од 20 сантиметри, а предсеидбената подготовка е многу важна, токму поради тоа што има многу ситни семки.
Се сее на длабочина од 0,7 до 1 сантиметар. Растојанието помеѓу редовите треба да биде од 15 до 30 сантиметри, а растојанието помеѓу растенијата од 5 до 10 сантиметри. Таа никнува за само неколку дена. За еден хектар земја ќе бидат потребни 1,5 до 2 килограми семе од рукола, пренесува agrosavjet.
