Состојба на земјоделските култури во Република Северна Македонија и агрометеоролошка прогноза за периодот после 29.05.2025 година
Изминатата седмица имавме променливо и нестабилно време, сончево и топло, со повремени поројни врнежи од дожд.
Овие временски услови ги одржува земјоделските култури во една активна состојба, но и појава на болести, штетници и плевели. Некои од овошките во овој период се во интензивен раст, а некои се во фаза на берба. Житните клубенести култури – компирот во некој региони е во фаза на цветање. За време на цветање, се јавува интензивно формирање на клубени, чиј број и големина во голема мера зависи од условите. За време на овој важен период, кај компирот потребно е наводнување, прихрана, заштита од болести штетници и плевели. Токму поради тоа, овој дожд позитивно ќе се одрази врз компирот. Останатите житни култури се во последната фаза од животниот циклус – созревање, што е исто мошне значајна фаза во нивниот животен циклус.
Кај некои сорти на винова лоза е започната фенофазата цветање. За време на оваа фенофаза треба да се избегнуваат работи во насадите кои допринесуваат за смалување на температурата, како што се наводнување, обработка на почвата и др. Се препорачува да не се врши и фитозаштита додека трае цветањето.
Денес ќе има повремени врнежи од дожд, наместа пообилни (10 до 15 l/m²). Локално ќе има услови за појава на нестабилност со пороен дожд, грмежи и засилен ветер. Во петок и во сабота ќе дува умерен до засилен северен ветер и ќе има изолирана појава на пороен дожд. Од недела следува период на претежно стабилно и топло време со значителен пораст на дневните температури.
Доколку временските услови дозволуваат земјоделските производители да продолжат со сите земјоделски активности и агротехнички мерки.
Минималната температура ќе се движи во интервал од 4°C до 17°C на повисоките места а, максималната температура ќе се движи во интервал од 15°C до 34°C.
