Ерик Вотсон, земјоделец од Ешбуртон, град лоциран на источниот брег на Нов Зеланд, го собори Гинисовиот рекорд во најголем принос на пченицата по втор пат! Оваа сезона, го надмина својот претходен рекорд од 2017 година, кој изнесуваше 16.791 тони од хектар.
Во просек, пченичните култури во Нов Зеланд кои се наводнуваат даваат околу 12 тони по хектар, а Вотсон постигна зачудувачки резултат со принос од 17,398 тони од хектар.
Неговиот последен успех е резултат на обидите да одгледува нови сорти, употребата на течен азот и редовното следење на здравјето на растенијата. “Ние сме многу горди што постигнавме таков резултат. Гинисовиот рекорд е убаво признание за нашата напорна работа и за иновациите што ги воведовме во производството”, рече Вотсон за fwi.co.uk. „Откако бевме воодушевени од рекордните резултати во 2017 година, откривме како да го подобриме производството и да постигнеме уште повисоки приноси“, додава тој.
Се победив самиот себе речиси за 600 килограми од хектар
„Задоволни сме од високите приноси на пченица што можеме да ја одгледуваме на нашата фарма. Гледаме дека тие од година во година се зголемуваат за 100 до 200 кг / хектар. Но, јас ја надминав мојата последна рекордна култура за скоро 600 кг / ха што ги надмина дури и моите очекувања “, заклучи Вотсон.
Пченицата што се запиша во Гинисовата книга е од сортата Керин, од компанијата KWS. Беше насеана во април 2019 година, а ожнеана на 17 февруари 2020 година. Овој земјоделец соработуваше со агрономите од Bayer Crop Science кои му даваа совети од областа на агрономијата и во врска со производите за заштита на растенијата со цел да се постигнат врвни приноси.
Извор:Агроклуб
