Во средна и југоисточна Европа се очекува голема промена на времето кон средина на есента, која на некои места ќе донесе скоро зимско време. Како причина за тоа се споменуваат надпросечните снежни наноси на високите делови на Алпите.
После многу чудното лето со неколку тополотни бранови, но и обилни дождови, дознаваме што може да очекуваме на есен. Имено, познатиот метеосервис AccuWeather, најавува дека преминувањето од лето во есен ќе биде незабележливо за многу голем дел од Европа, бидејќи високите температури во западните и централните подрачја на континентот ќе се задржат се до септември. Во Шпанија комбинацијата на топлина и суша би можела да донесе натпросечно топло време во првиот дел од есента.
Тропско невреме во различни форми
Според метеорологот на AccuWeathe Тајлер Ројс, тропското невреме би можело да ја погоди Европа во разни форми, од благи ветрови до снежни навеви, од малку дожд до големи поплави, а силните дождови, како што се напоменува во извештајот, најмногу ќе им користат на Франција, Шпанија и Португалија, земји кои се најтешко погодени од сушата.
– „Според податоците ,невреме во првата половина на сезоната, ќе има во северозападна Европа, британските острови, подрачјето од Норвешка до северниот дел на Франција и северна Германија, а би можело да се очекува и поголема закана од силни ветрови отколку во јужниот дел на Франција и Португалија. Тоа не значи дека нема да има и одредени влијанија и во југозападниот дел на Европа во текот на есента“, најавува Ројс.
Во другиот дел од есента временската форма ќе се промени и ризикот од невреме ќе биде зголемен во јужна Франција и Португалија, додека заканата за Германија и северна Франција ќе се намали. Се очекува дека невремето ќе биде толку силно што ќе предизвика оштетување на дрвјата, недостиг на струја но и поплави. Многу влажното лето во Норвешка и Финска ќе продолжи со дожлива есен, благодарение на северноевропското невреме кое се очекува. Дождот нема да запре се до втората половина од есента, кога ќе се врати сушното време, па дури постои можност за повисоки температури пред почетокот на зимата.
На некои места речиси зимско време
Во централна и југоисточна Европа промената кон средината на есента ќе донесе на некои места, речиси зимско време. Како причина се споменуваат натпросечните снежни наноси во повисоките подрачја на Алпите.
Вишиот метеоролог Алан Реперт предупредува дека во долините во внатрешноста на Балканот и северна Украина можни се штети, ако се случи да заврне одредена количина на снег, додека лисјата се уште се на дрвата.
– “Како што во северна Европа ќе доаѓа сушното време, заканата од студени удари во Полска, Германија па дури и источна Франција ќе се зголемува. Тоа би можело да доведе до благо подпросечни температури во Германија Полска и во балтичките држави па дури и во северна Украина“, нагласува Ројс.
Со доаѓањето на студениот воздух, ќе се зголемат изгледите за снег во земјите како што се Полска, Белорусија и балтичките земји се до северна Украина.
-„Не очекуваме надпросечни снежни врнежи, но би можело да има неколку денови со слаб снег“, заклучува Ројс.
Извор: Агроклуб
