Веројатно отсекогаш сте се прашувале како треба да ги подготвувате печурките, а при тоа тие да го задржат нивниот полн вкус и сите витамини. Тим истражувачи од Центарот за истражувања и технологии за печурки во Ла Риоха во Шпанија, дошле до многу важни откритија кога станува збор за подготовката на печурки.
Печурките, како и растенијата и животните, имаат многу специфична комбинација на хранливи вредности. Во основа немаат маснотии и калории, но се многу богати со протеини и имаат широк спектар на витамини и минерали (витамин Б2, ниацин, манган, рибофлавин, калиум и цинк). Сепак, сите знаеме дека било кој производ кога е изложен на топлина, тој целосно го менува својот хранлив состав.
Новото истражување спроведено на неколку најпопуларни видови печурки, вклучувајќи шампињони, шитаке и буковки, покажа неверојатни резултати. Имено, сите овие видови на печурки поминале низ четири различни начини на подготовка: длабоко пржење, варење, подготовка во микробранова печка и скара. Врз основа на овој експеримент, истражувачите откриле во кој метод на подготовка печурките сочувале најмногу хранливи материи.
Се разбира, постојат низа други начини за подготвка на печурките. Некои од нив се пржење во тава, печење, динстање или правење на чорба. Сепак, од оние методи што биле тестирани, подготовката на печурките на скара и во микробранова печка се покажале како најдобри.
Истражувачите откриле дека при ваквиот начин на подготовка немало значителен пад на витамините и минералите. Исто така, истражувачите не успеале да откријат за било каква промена на содржината на антиоксидантите во однос на сировата печурка. Истражувачите исто така сметаат дека е прифатливо да додадете малку масло во печурките пред печењето.
Едно е сигурно, сите сакаме печурки на скара, но колку од вас всушност подготвуваат печурки во микробранова печка? Можеби е време да се обиде и тоа.
Извор: Агромедија
