Директорот на Државниот инспекторат за земјоделство, Зоран Шапуриќ, на својот фејсбук-профил објави како се одвива откупот на тутунот.
„Денес посетив неколку откупни пунктови во околината на Скопје и Велес. Досега, се откупени 15.700 тони тутун, а досегашната просечна цена е 195,4 денари за килограм тутун. Вчерашната просечна откупна цена изнесуваше 219,4 денари за килограм тутун. Државниот инспекторат за земјоделство од почетокот на откуп на тутун е на терен и врши надзор согласно законските надлежности.“, напиша Шапуриќ.
