Наташа и Горан Јанчиќ се запознале на патување во природа и оттогаш ги истражуваат скриените места во Србија. Со раѓање на децата, тие само продолжиле да го поминуваат секој слободен момент во природа, сега со тројца придружници.
„На најчестото прашање кое го добивам преку социјалните мрежи „Кога да почнеме да ги носиме децата на прошетки во природа?“, одговарам со: „Што побргу!“ Кога со првите чекори ќе ги научите да ја набљудуваат природата, да уживаат во нејзината едноставност и мир, да ја чуваат и сакаат, тоа ќе стане дел од нивниот живот. Тешко е да се развие таа суптилна врска во тинејџерските денови, особено во време кога, од друга страна, виртуелниот свет е шарен, брз и толку привлечен“, вели Наташа.
Предизвик за овој петчлен тим им се кањоните на планински реки и освојувањето на врвовите. Тие избираат места каде што нема многу луѓе.
„Нашата прекрасна земја ја посетуваме само за време на викендите и за време на празниците. Бидејќи се работи за викенд патувања, нашиот багаж е мал и се сведува на пет ранчиња. Искуството нѐ научи да се пакуваме брзо, а некои работи како патничка аптека и торба за лична хигиена се секогаш подготвени. Багажот ни е поголем, а подготовките подолги, во летните месеци кога наместо класично сместување, избираме да спиеме кампувајќи под ѕвезденото небо.“
Секој член на семејството го пакува својот ранец за еднодневно патување кое вклучува: вода, ужина, јакна за дожд и ветер, капа или качкет, лед сијалица, резервен пар чорапи и фотоапарат.
Таткото Горан е тој што сади дрвја, собира лековити билки и печурки, страствен нуркач и едриличар.
Мајката Наташа работи во Друштвото за заштита и проучување на птиците на Србија, па темата за заштита на животната средина и е блиска. Во природата, таа е заинтересирана за односите меѓу живите суштества и влијанието на човекот, позитивно и негативно. Преку блогот „Мини еко-зона“ таа пренесува семејни искуства со желба да поттикне и други родители.
„Најстариот син Петар се интересира за биологијата на морето, додека помладиот Александар за влекачи и инсекти. Двајцата сакаат да гледаат птици и се задолжени за фотографирање во природа. Тие имаат своја страница на Инстаграм, „Еко детективи“, која ја користат за да ги заинтересираат своите врсници за живиот свет и да разменат искуства со пријатели од слични интереси. Најмладата Адријана е бестрашна планинарка која е мотивирана од нејзината цел, без разлика дали е тоа врв на планина, скриена пештера или прекрасен водопад. Иако е најмлада, никогаш не и е тешко да оди. Нејзината омилена планина е Орјен, која се издига над Јадранското Море“, објаснува Наташа.
Многу семејства им се јавуваат со зборови за поддршка. Мило им е што Наташа, Горан, Петар, Александар и Адријана ги мотивираат да поминуваат време во природа со своите деца, да им помагаат на птиците кои имаат потреба, без страв да шетаат низ шумата.
„Често нè прашуваат дали ќе организираме заеднички патувања и ќе ги однесеме до нивните омилени места. Размислуваме да го направиме ова во блиска иднина бидејќи сме горди на онлајн-заедницата што ја изградивме и сакаме да запознаеме луѓе кои ги делат истите вредности и кои ни даваат „ветер во грб“ со позитивни пораки.
Ова семејство кое се сврте кон екологијата планира посериозно да се посвети на органското производство. Бидејќи живеат во стан во Белград, каде што станува тешко да се слуша неподносливата бучава, да дишат лош воздух и да поминуваат време во сообраќај, започнале животен проект: создавање мини еко-зона надвор од градот, каде што ќе имаат самоодржливо домаќинство со органска градина и простор за активности на здружението.
Активностите на ова семејство можете да ги следите на нивниот инстаграм профил.
Извор: pricesadusom.com
