Можеби мислите дека знаете сè за маслиновото масло, но овој вкусен, здрав и хранлив производ е многу покомплексен отколку што изгледа.
Ако сакате да бидете сигурни дека го јадете најдоброто и го користите на вистински начин, прочитајте ги седумте факти за масиновото масо што треба да ги знаат сите.
1.Маслиновото масло од продавница е секогаш свежо
Иако предходно добро складирано, увозното маслиново масло што го наоѓаме во продавниците е старо често пати и до три години. Но, за разлика од виното, за маслото не важи правилото колку е постаро , толку е подобро. Замислете го како исцеден сок од маслинки што најдобро се консумира додека е свеж. Ако сакате да бидете сигурни што јадете, купете масло на кое е наведена годината на берба.
2.Чувајте го квалитетното маслиново масло за салати и користете го поевтиното за готвење
Сосема погрешно. Колку е маслото поквалитетно и посвежо, толку подобро може да издржи високи температури. Исто така, при готвењето не губи на квалитет и храната ќе биде далеку повкусна и поздрава.
3.Маслиновото масло треба да се чува само во стаклено шише
Оваа теза е само делумно точна. Чувањето на маслото во стаклени шишиња е добро, но мора да биде изработено од темно стакло, бидејќи маслото реагира на светлина. Светлината ја менува неговата структура и со тоа го губи квалитетот. Меѓутоа често се користи и, лимена амбалажа која е исто така добра.
4.Чувајте го маслиновото масло на вашата работна површина, секогаш да ви биде при рака
Уште една многу честа грешка. Маслиновото масло најдобро е да се чува во затворен кујнски плакар или во оставата. Причината за тоа е што светлината во никој случај не е погодна за маслото. Таа ја менува структурата на маслото и со тоа маслото го губи својот квалитет.
5.Храната не треба да се динста на маслиново масло
Повторно погрешна информација. Истражувањата покажуваат дека квалитетното масло не ја менува структурата до 200 Целзиусови степени, што значи дека можете слободно да го користите за да динстате свежа храна. Кога е изложено на високи температури, маслиновото масло се однесува далеку подобро од сите други масла кои се користат во домаќинството, со оглед на неговата висока содржина на олеинска киселина. Имајте на ум дека овде не станува збор за пржење на храната.
6.Маслиновото масло нема многу калории
Погрешно! Иако е многу здраво и хранливо, маслиновото масло е сепак масло. Содржи голем број на калории, но, за разлика од другите растителна масло или мастите, има ниско ниво на холестерол. Исто така е моќен антиоксиданс со висока хранлива вредност за што вашето тело ќе ви биде благодарно.
7.Доброто маслиново масло има фантастичен благ вкус
Иако љубителите на масиновото маслото веднаш ќе се согласат, треба да знаете дека чистото, квалитетно и свежо маслиново масло е всушност со многу интензивен вкус. Има горчливост која се „чувствува “ на јазикот, што можеби не им одговара на сите, особено ако сте навикнати да купечките рафинирани масла.
Извор: Агро-еко Магазин
