Во Пехчево во тек се активности за подобрување на пристапноста до земјоделските земјишта во селските средини. Од општината информираат дека ќе бидат опфатени повеќе населени места.
-Општина Пехчево започна со расчистување на патиштата од населените места до земјоделските земјишта. Активностите почнаа да се изведуваат првично во село Панчарево, а ќе продолжат и во наредните денови во останатите села во Пехчевско – велат од Општината.
Средствата за реализација на овие активности се обезбедени од Буџетот на Општината.
-Во изминатиот период имавме значителни количини врнежи, кои оштетија дел од патната мрежа поради што подобрувањето на пристапот до земјоделските земјишта беше повеќе од неопходен – информираа од Општината.
Упатија апел до земјоделците и сопствениците на земјоделски земјишта да ги пријават поголемите оштетувања, пренесува МИА.
