Руските власти соопштија дека договорот за извоз на житарки и ѓубрива преку Црното Море повеќе нема да функционира доколку не се исполни договорот на ОН со Москва за надминување на пречките за рускиот извоз на житарки и ѓубрива.
– Ако сè остане како што е, а очигледно ќе остане, тогаш ќе треба да се тргне од фактот дека договорот повеќе не функционира – изјави рускиот министер за надворешни работи Сергеј Лавров.
Тој наведе дека помалку од три отсто од извезеното жито според договорот стигнало до најсиромашните земји во светот.
Договорот потпишан во јули минатата година бара од Обединетите нации да и помогнат на Русија да ги надмине сите пречки за нејзиниот извоз на жито и вештачко ѓубриво за три години, пренесува Ројтерс.
Овој месец Русија се согласи да го продолжи договорот за уште два месеци, до 17 јули, но Кремљ рече дека мора да се постигне поголем напредок за да се унапредат руските интереси.
