Дирекно обраќање од лозовиот насад на Васка Мојсовска во Тимјаник заедно со Амбасадорката на Шведска Кристин Бенгтсон иАнели Леина регионална директорка на Шведската организација за развој We Effect
РУРАЛНАТА ЖЕНА И КОРОНА КРИЗАТА – Зум коференција
15 Октомври – Меѓународен ден на руралната жена
Дел од обраќањето на Васка Мојсовска – Претседателка на Националната федерација на фармери
Почитувани,
Во последниве неколку години често слушаме за жената од рурална средина,но колку всуштност вистински знаеме која е таа жена,кои се потребите на руралната жена ,со кои проблеми се соочува таа жена која што вредно работи,ги расте своите деца,се грижи за целото семејство и е столбот на своето земјоделско стопанство каде што со огромна љубов и воља произведува храна иако климатските промени секоја година се повеке и повеке и прават потешкотии во производството на храна таа не се откажува и продолжува со својата работа иако се соочува со голем број на предизвици,a
тоа се социјална исклученост, невработеноста, родова дискриминација, нееднаква распределба на приходите и ресурсите, доминација на традиционалните норми, лишување од сопственост на земјоделско земјиште и имот, лишување од право на платено родителско отсуство, ограничени пристапи и понуда на образование, информации, здравствена заштита и јавни и социјални услуги. Ваквите услови ја принудуваат руралната жена на живот во поголема сиромаштија, а сега покрај тоа што треба да се прилагоди на сите проблеми со кои се соочува, треба да се прилагоди и на Корона кризата. покажува колку потешко и потешко ќе и биде на жената од рурални средини во иднина да произведува храна и да егзистира во таа рурална средина.
Негативните ефекти од корона пандемијата и те како влијаат врз жените во руралните средини.
