Рекордно ниско производство на свинско месо е забележано во Германија од страна на Федералното биро за статистика. Падот беше околу 10 проценти во првиот квартал во однос на 2021 година.
Станува збор за околу 1,34 милиони товеници помалку од лани. Податоците покажуваат дека од јануари до март имало 12,08 милиони свињи низ целата земја. Досега никогаш не е забележан таков пад на производството на свинско месо од 11,6 отсто на 1,15 милиони тони поради намалувањето на просечната маса за 1,7 кг на 95,5 кг по свиња, наведува Агрархеуте. На почетокот на минатата година животните доцна пристигнувале во кланицата и биле потешки. Овогодинешните повисоки цени на храната ќе влијаат на тоа за колење да се предаваат товеници со помала тежина.
Помалку домашни свињи и месо
Бројот на домашните свињи е намален за 1,34 милиони грла или 10,2 отсто на 11,78 милиони грла во однос на првиот квартал. Се намалува и бројот на увезените. Понудата на пазарот надвор од Германија е намалена за 6.240 или 2,0 отсто на 304.490 грла во споредба со првите три месеци од 2021 година.
Покрај падот на бројот на свињи и товеници, евидентиран е и помал вкупен број на заклани животни.
Пад и во производството на говедско месо
Пад е забележан и кај производството на говедско месо во првиот квартал од 2022 година. Станува збор за 748.660 животни што е за 76.260 или за 9,2 отсто помалку од истиот период лани. Производството на говедско месо паднало за 10,0 отсто на 245.950 тони. Производителите испорачале 10,8 отсто помалку животни во кланиците. Намалувањето на бројот на бикови и волови е за 10,7 отсто на 275.380 грла.
Напишете коментар