Рекорден интерес за огласот за доделување на земјоделско земјиште за обработка на житни култури над 3 хектари. Вкупно потпишани 258 договори, 3 пати поголема заинтересираност од последните 15 години. Овој наменски оглас ја имаше и токму таа цел, зголемени обработливи површини на стратешки култури, и со гордост можам да кажам дека во тоа и успеавме.
Денес, кога целиот свет се соочува со предизвик како до повеќе храна, и како до стабилизација на домашното производство и доволно храна за сите, ние навремено креиравме мерки за поддршка, донесувајќи го Националниот план за производство на храна како и Интервентниот фонд, единствен во регионот.
Но потребна е и ваша помош, од земјоделците. Од вас барам, и како Министерство ќе инсистираме, произведените житни култури најпрво да ги дадете во домашните преработувачки капацитети, она што ќе го произведеме да го зачуваме дома. Ве повикувам на сплотеност и единство, заедно да се избориме со оваа криза.
Фејсбук-статус на министерот Љупчо Николовски
