Ниските температури што ја зафатија североисточна Бугарија во последното деноноќие речиси целосно ги „изгореа“ расцутените дрвја, се очекува приносот да биде едвај 10-15% од очекуваниот.
„Кајсиите во северо-источна Бугарија се замрзнати скоро 100%, поради падот на температурите во последните 24 часа“ изјави Димитричка Турпанова од Сојузот на овоштарите во областа Добрич.
На многу места во овој регион, овошните дрвја поради невообичаено високите темеператури во текот на зимата, процветаа порано од вообичаеното. Како и да е, синоќа живата во термометарот се спушти на минус 6, а некаде и до минус 9 степени Целзиусови во различните северо-источни области, а за следните неколку дена се прогнозира ведро и студено време.
„Ова не е слана, ова е измрзнување“, објаснуваат производителите. Според нив, дури и оние производители кои имаат систем за оросување кој би требало да го реши проблемот со мрзење не успеаа да ги заштитат своите култури.
Оваа ситуацијата со кајсиите се случи во областа на Добрич, Русе и Силистра, веројатно и во Шумен, додава Турпанова. Состојбата областите близу на морето сè уште не е позната.
Таа потсети дека производителите кои се засегнати со оваа ситуација можат да достават целосна документација до општинските канцеларии за земјоделство. Тие имаат право на надомест до 80% од трошоците за одгледувањена овошките што ги направиле до денот на настанот.
Земјоделците во северозападна Бугарија исто така претрпеа штети од мразот во последните 24 часа. Топлото време доведе до и цутење на праските, кајсиите, лешниците и другите видови на овошни дрвја. Сепак, потребни се неколку дена за да се процени штетата.
Божидар Петков од Бугарското здружение на производители на малина подсети дека со помош на варосување на стеблата, вегетацијата и цветањето во овоштарници може да се одложат, и тоа се прави во случај кога постои загриженост поради раниот развој на дрвјата и појавата на доцните мразеви.
Извор :Агрибг
