Земјоделството во Романија е во постојан пораст, но нема кој да работи. Откако стана членка на ЕУ, од 1 јануари 2007 година, Романија со брзо темпо почна да го развива земјоделството, но се соочува со сериозен недостиг на работна сила.
Доказ за позитивниот развој на земјоделството се приходите од земјоделско-прехранбените бизниси во 2018 година. Тие се зголемени за 15%, а Романија оствари приход од 13,9 милијарди евра само од земјоделското производство и со тоа се искачи на високото шесто место во Европа.
И покрај позитивниот развој на земјоделството, масовната миграција на романските граѓани и немањето постојана политика за поттикнување на работниците да останат во земјата, доведоа до појава на значаен недостиг на работната сила во примарниот сектор.
Во 2018 година, земјоделската работна сила се намали за 7,4% во однос на 2017 година и 2,8% во однос на 2014 година. Тоа се 121.400 лица кои повеќе не се дел од земјоделскиот сектор во Романија. Во исто време, зголемувањето на минималната плата доведе до зголемување на трошоците на работодавачите.
Еден од секторите каде недостигот на работна сила е најизразен е овоштарството. Поточно, романските одгледувачи на овошје не можат да најдат добри работници кои ќе работат во овоштарниците со јаболка и цреши.
Но, ова не е нивниот единствен проблем. Дополнителни проблеми им создаваат променливото време и несигурниот пазарот.
Извор: Агри.бг
Напишете коментар