Денеска, министерот за земјоделство Арјанит Хоџа, имаше работен состанок со оризопроизводителите, откупувачите и преработувачите од Кочанскиот регион. На состанокот се дискутираше за годинешната реколта, цената на оризовата арпа, висината на субвенциите по хектар како и за мерката Зелена нафта.
Производителите и откупувачите ја потенцираа важноста од наводнувањето на оризовите површини и се разговараше за можните зафати на Кочанска река, Злетовска река и Брегалница. Се разговараше за обнова на дотрајаната механизација, сетрифицираниот посадочен материјал но истовремено и за обука на стручни лица.
Од оваа првична средба со земјоделците и преработувачите ќе произлезат понатамошни средби со цел надминување на проблемите, координација и помош на надлежните органи во делот на стручна помош.
Оттука е важно организирање на индивидуалните земјоделци во земјоделски задруги како европcки модел на организирано земјоделско производство.
