Денеска во валандовско, во присуство на Претседателот на Владата Зоран Заев, Заменикот на Претседателот на Владата Љупчо Николовски, Министерот за земјоделство, шумарство и водостопанство Арјанит Хоџа, Министерот за здравство, Венко Филипче, заменик амбасадорот на Сојузна Република Германија Ото Граф, Градоначалникот на Општина Валандово Перо Костадинов, како и претставници на “KfW” банката, беше пуштен во употреба новиот, модерен систем за наводнување долж јужната долина на реката Вардар, за наводнување на нови 2.150 хектари земјоделско земјиште. Оваа капитална инвестиција е во износ од 24 милиони евра.
Овој систем е дел од „Програма за наводнување на јужната долина на реката Вардар втора фаза“ .
Новиот систем за наводнување е од капитален карактер и отвара нови перспективи за граѓаните од оваа општина. Истиот, обезбедува континуирано снабдување со вода во текот на цела година, на површина од 2000 хектари и носи бенефит за повеќе од 1300 домаќинства. Преку овој проект се создаваат значајно подобри услови за обработување на расположливите земјоделски површини, се намалуваат трошоците и се зголемува конкурентноста на валандовскиот земјоделски производ.
Проектот “Јужновардарска долина”, беше финансиран со средствата на Владата на Сојузна Република Германија, преку развојната германска банка “KfW” и со средства на Министерството за земјоделство, шумарство, и водостопанство, како главен носител на проектот.
