Традиционално секоја година со манифестацијата Преспански Јаболкобер која е поддржана од Министерството за земјоделство, шумарство и водостопанство започна бербата на јаболката во Преспанскиот регион.
-Ја имав честа да го откинам првото јаболко, со што официјално започна бербата на јаболка во Преспанскиот регион, напиша на ФБ министерот за земјоделство, шумарство и водостопанство Цветан Трипуновски.
Претходно на средбата на министерот Трипуновски со откупувачите каде што се разговараше за пласманот на јаболкото од реколта 2024 година, се договорија минималните цени кои што ќе бидат за стартот на откупот на јаболкото од оваа реколта.
Откупувачите ги соопштија цените и тие минимално ќе изнесуваат 18 денари за ајдарет и истите ќе бидат веќе од понеделник истакнати на секое откупно место.
Трипуновски вети е дека МЗШВ ќе го следи целиот откуп преку Земјоделскиот инспекторат, да помине се согласно законите и процедурите и она што е договорено.
