Објавени се списоците на корисници на финансиска поддршка за справување со енергетската криза. Како што информира Министерството за труд и социјална политика, паричните средства ќе бидат исплатени на 13 март оваа година.
На веб-страницата на Министерството за труд и социјална политика се објавени корисници на правото на социјална сигурност на стари на лица, посебен додаток, надоместок заради попреченост, корисници на надоместок за помош и нега од друго лице со трајни промени во здравствената состојба без потреба од контролен преглед и не користат право на надоместок заради попреченост, како и самохраните родители кои се евидентирани корисници на гарантирана минимална помош, информира Министерството.
Корисниците на пензија во висина не поголема од 11.525 денари месечно, односно во висина не поголема од 14.000 денари месечно, како и корисници на право на надоместок за телесно оштетување се објавени на Фондот на пензиското и инвалидското осигурување. На веб-страницата на Агенцијата за вработување се објавени списоците на невработени лица кои се корисници на право на материјално обезбедување во вид на паричен надоместок
Доколку лицето не е на списокот, а смета дека ги исполнува условите како корисник на право, може да поднесе приговор до Комисијата за одлучување по приговори за финансиска поддршка при Министерството за труд и социјална политика, во рок од три дена од денот на објавувањето на списоците на корисници на финансиската поддршка, соопшти МТСП.
Приговорот може да се поднесе преку архивата на Министерството за труд и социјална политика или преку електронската пошта: [email protected].
