Закупците на Кванташкиот пазар во Скопје уште од раните утрински часови го изразуваат своето незадоволство поради се почестите и се поголемите зголемувања на трошоците што се однесуваат на закупнината и особено за паркирање на возила во Кванташкиот пазар.
Заради зголемените трошоци за паркирање на возило значајно е намален бројот на земјоделците кои сами си продаваат, а луѓето што се движат на овој пазар изјавуваат дека повеќе и никој не доаѓа од нив бидејќи не им се исплаќа да возат на пример од Валандово или од Ресен и неколку дена да плаќаат паркинг за камион или комбе во Кванташкиот пазар.
Закупците на простор во Кванташкиот пазар се жалат и на ужасните услови што владеат на пазарот и дека сопственикот не инвестирал во инфраструктурата на пазарот.
Исто така ја истакнуваат и нелојалната конкуренција од трговците кои продаваат од паркираните камиони низ улиците на главниот град.
