Ограничувањето на цената на руската нафта до 60 долари за барел, согласно договорот на ЕУ, Г7 и Австралија, вчера стапија на сила, како и ембаргото за увоз на руска нафта во ЕУ, со неколку исклучоци.
Членките на Г7, Австралија и ЕУ ја ограничија цената на руската нафта на 60 долари, тврдејќи дека сакаат на Русија да и ја отежнат инвазијата на Украина.
Цените на нафтата вчера пораснаа на меѓународните пазари над 88 долари откако ЕУ воведе ембарго на руската нафта и заедно со членките на Г7 го одреди лимитот на нејзината цена.
На лондонскиот пазар цената за барел била повисока за 2,53 долари во споредба со цената при затворањето на пазарите на крајот од минатата недела и изнесувала 88,10 долари. На американскиот пазар со барел се тргувало за 2,4 повисока цена, од 82,38 долари.
Организацијата на земјите извознички на нафта (OPEC) и нејзините сојузници, вклучувајќи ја Русија, во неделата ја потврди одлуката од октомври според која го намалува производството за два милиони барели дневно, а како причина го навела ембаргото на ЕУ на руската нафта.
Механизмот би требало да профункционира преку забрана за осигурителните компании и превозниците да пружаат услуги со руска нафта.
Русија порача дека нема да продава нафта во земјите кои ја ограничуваат нејзината цена, што би можело да значи значајно намалување на снабдувањето на пазарот.
МИА
