Во текот на денешниот ден времето во нашата држава ќе биде сончево и топло со умерена облачност. Во попладневните часови, особено на север и на североисток ќе има услови за локален краткотраен дожд, грмежи и засилување на ветерот. Ќе дува слаб до умерен ветер од југозападен правец и истиот повремено ќе засилува.
Максималните дневни температури на воздухот ќе се искачуваат во интервалот од 23 до 31 степен.
Во Скопје и околината времето ќе биде сончево и топло со умерена облачност. Во попладневните часови ќе има услови за локален краткотраен дожд и грмежи а ќе дува и слаб до умерен ветер од јужен правец. Максималната дневна температура се очекува да се искачи до околу 28 степени.
Потоа во следните неколку денови во претпладневните часови ќе имаме повеќе сончеви периоди, од пладневните часови локално ќе биде нестабилно со пороен дожд, грмежи и засилен ветер. Особено утре локално процесите можно е да бидат ПОИНТЕНЗИВНИ и застапени во форма на НЕВРЕМЕ, проследено со интензивен пороен дожд, силен ветер, електрични празнења и појава на град.
Температурите на воздухот и покрај ова во текот на следните денови нема многу да се менуваат, што значи дека и понатаму ќе продолжи топлото време.
Временската прогноза ја подготви Славчо Попоски
