Жестокиот пијалок кој преживеал два и пол века бурна историја на Европа, достигна рекордна цена од 130.000 евра на аукција организирана од стана на аукциската куќа „Sothebys“.
Шишето коњак произведено уште од времето пред Француската револуција, продадено е на аукција организирана од страна на аукциската куќа „Sothebys“ за околу 130.000 евра. Овој коњак се чувал повеќе од 20 години пред да биде пуштен во продажба во 1762 година, во текот на владеењето на Луј XV. Тоа е најстарото шише на жесток пијалок, некогаш продаден на јавна аукција, наведуваат во „Sothebys“.
За купувачот не се знае ништо, освен дека на онлајн аукцијата се јавил еден понудувач од Азија и останал последен понудивач во текот на продажбата која траела повеќе денови. Цената која ја платил купувачот срушила уште еден рекорд – во прашање е најголемата цена платена некогаш за шише коњак на аукција. Како и на поголемиот број вакви аукции, цената се вивнала „до небо“ во последниот час од наддавањето, наведува Decanter.
„ 1762 година е посебна по големиот број важни историски настани, меѓу кои се вбројува и влезот на Велика Британија во седумгодишната војна против Шпанија и Неапол, доаѓањето на тронот на руската кралица Катерина II и првите паради по повод празникот Свети Патрик одржани во Њујорк“ – истакнуваат во „Sothebys“.
Продаденото шише од 0.7 литри е дел од колекцијата во која спаѓаат уште две шишиња од истата берба. Шишето кое сруши два аукциски рекорди носи прекар „големиот брат“ , бидејќи е најголемо помеѓу шишињата од оваа колекција. Другите две шишиња носат прекари „малата сестра” и „малиот брат” и некогаш му припаѓале на исто семејство. „Малата сестра“ денес е изложена во дестилиериската куќа „Maison Gautier“ и претставува нивна најголема гордост. Додека пак „малиот брат“ е продаден во Њујорк во 2014 година за околу 40.000 евра.
Извор:Винофино
