Денеска, во кругот на касарната Ѓорче Петров во Скопје, министерот за земјоделство, шумарство и водостопанство Љупчо Николовски, во присуство на италијанскиот амбасадор, Н.Е Андреа Силвестри и Војниот Аташе за одбрана на Италија, г-дин Стефано Анџиони, ја прими огромната донација на униформи и опрема од Италијански Карбинери, наменета за Шумската Полиција.
Постапката за оваа огромна донација започна во декември 2017 година. Во текот на овој месец веќе пристигнуваа првите камиони со донацијата и се складираа во магацините на Министерството за одбрана, пред да бидат распоредени во шумско-полициските станици низ целата територија на државава.
„4,2 милиони евра донација од италијанските Карабинери за потребите на македонската Шумска полиција. Пристигнаа првите 14, од вкупно 20 камиони со над 46.000 парчиња униформи, мантили, кошули, елеци, џемпери, маици, чизми, ранци, кабаници и друга дополнителна опрема.
Дел од опремата може да биде намената и за територијалните противпожарни бригади, полицијата, армијата, со оглед на тоа што донацијата содржи и во големи количини противпожарна опрема, огноотпорни чизми, панталони и ракавици.
Драго ми е што моето залагање за опремување на шумските полицајци кое го започнав уште во време на мојот прв мандат сега го гледам целосно реализиран. Да не заборавиме дека шумските полицајци работат тешка и одговорна задача, и често нивните животи се во опасност, со оваа донација, согласно европските, меѓународни стандарди безбедноста и здравјето на вработените ќе бидат заштитени.
Упатувам голема благодарност до Ambasciata d’Italia in Skopje, Н.Е Амбасадорот Андреа Силвестри и Војниот Атеше за одбрана на Италија, г-дин Стефано Анџиони за огромната количина донација и успешна реализација. МЗШВ и понатаму ќе се грижи за континуирано подобрување на условите за работа на Шумската полиција, и за нивно непречено извршување на задачите“, рече Николовски..
