Според информациите од метеоролошките станици, се најавуваат ниски температури под 0°С во деновите понеделник (07.04.2025) и вторник (08.04.2025). Препорачано е да се изврши превентивна заштита од пролетни мразеви со заштитно средство Калиум Сулфат 0-0-61 во доза 1% на хектар. Заштитата да се изврши во деновите понеделник (07.04.2025) и вторник (08.04.2025) во период од 8:00 до 18:00 часот, особено во пораните реони, реоните кои се подложни на пролетни мразеви како и депресивни локалитети. Во Катастарските Општини и поедини места во Тиквешијата како што се: Трстеник, Росоман, Манастирец, Куриите, Сопот, Марена, Тимјаник, Ридиштата, Главите, Црно Поле, Дубровско, Бутчето, Калдрма, Криволак, Пепелиште, Дреново, Брушани, Возарци, во фенолошки развој на отварање на папки BBCH 9 (мишји уши, отварање на папки, развоен стадиум врвовите на зелените ластари се јасно видливи) се следните сорти: Смедеревка, Шардоне, Темјаника, Мерло.
Се информираат сите лозари да извршат третирање на овие сорти задолжително, но и на останати сорти кои во одредени реони го постигнале овој фенолошки развој.
Дејство на Калиум Сулфат за оваа намена:
Калиумот навлегува во листовите и ластарите и ја зголемува концентрацијата на сок, а ја истиснува водата. Калиумот е добар за фолијарен третман и е најдобра сол за заштита од мразеви. Ефектот е да се намали точката на мрзнење како што се користи солта за одмрзнување на патиштата за движење.
За оваа цел користете исклучиво Калиум Сулфат или Калиум Хлорид, немојте случајно да користете Калиум Нитрат затоа што ќе ја зголеми можноста за мрзнење на папките и ластарите.
Фејсбук статус на Митко Јанчев.
